என்னவோ நடக்குது ஒன்னுமே புரியலே

                                    என்னவோ நடக்குது ஒன்னுமே புரியலே
                                     -----------------------------------------------------------

 என்னமோ நடக்குது ஒன்னுமே புரியலே

தினமும் பத்திரிகையைப் பார்க்கிறோம் இன்னார் இந்த குற்றம் செய்ததற்காக கைது செய்யப்படுகிறார் என்னும்  செய்தி வராத நாளில்லை  குற்றம்  செய்தவர்கள் தண்டனை அனுபவிக்கத்தானே வேண்டும்  என்று நினைக்கிறோம் அவர்களை சிறையில் வைக்கிறார்கள்  சில நாட்கள் , மாதங்கள் ஏன்  சில வருடங்கள் கூட சிறையில் இருக்கிறார்கள்  பிறகு ஏதோ விசாரணை நடக்கிறது  அவர்கள் பெயிலில் வெளி வருகிறார்கள் எனக்கு இதெல்லாம்  புரிவதில்லை குற்றம் புரிந்தவர் என்று தெரிந்தபின்தானே கைது செய்கிறார்கள் எனக்கு இருக்கும்  சந்தெகம் ---ஆதாரங்கள் இல்லாமல் கைது செய்கிறர்களா. அப்படி ஆதாரங்கள் இருந்தால் குற்றத்தைப்பதிவு செய்து வழக்கை நடத்த தானே வேண்டும் முதலில் சிறையில் அடைத்து காலம்கடந்து குற்றங்களைப் பதிவு செய்வதும்  பெயிலில் விடுவதும் ஆண்டுகள் கழித்து குற்றத்தை  ருசிப்பிக்க இயலாமல் விடுதலை செய்வதும்  ஏன்  ?

 சில வழக்குகள் நினைவுக்கு வருகிறது 2002ம் ஆண்டு நடைபாதையில் படுத்திருந்த சிலர் மீது காரை ஏற்றிக் கொலை செய்ததாக பிரபல நடிகர் சல்மான்கான் மீது வழக்குத் தொடரப்பட்டு அவர் சிறையில் இருந்து பெயிலில் வந்தார் அப்போது ஆதாரமாக அவரது பாதுகாவலரின் வாக்குமூலங்கள் பதிவு செய்யப்பட்டன. அந்த பாதுகாவலர் சில ஆண்டுகள் கழித்து இறந்து போனார்  இறந்து போனாரா கொல்லப்பட்டாரா என்பது புதிராகவே இருக்கிறது இப்போது இவ்வளவு ஆண்டுகள் கழித்து நடிகர் குற்றம்  ருசுவாக வில்லை என்று விடுதலை செய்யப்படுகிறார் என்னவோ நடக்குது .ஒன்னுமே புரியலே

கோவில் நிர்வாகி சங்கர்ராமன் கொலை வழக்கு பரபரப்பாக பேசப் பட்டு  காஞ்சி மட அதிபர் சங்கராச்சாரியார் கைது செய்யப்பட்டு வழக்கு தொடரப்பட்டது/ அந்த வழக்கை விசாரித்த காவல் அதிகாரி மாற்றல் செய்யப்பட்டு அந்த வழக்கிலும்  மடாதிபதி விடுதலை செய்யப்பட்டார் என்னவோ நடக்குது ஒன்னுமே புரியலே

முன்னாள் அமைச்சரும் (தயாநிதிமாறன்) அவரது சகோதரர் (கலாநிதி மாறன் ) மீதும்  ஒரு வழக்கு தொடரப்பட்டு அண்மையில் கேஸேதும் ருசுவாகவில்லை என்று விடுவிக்கப்பட்டனர் இந்த வழக்கு இத்துடன்  முடியுமாதொடரப்படுமா என்னும் சந்தேகம் இருக்கிறது என்னவோ நடக்குது ஒன்னுமே புரியலே

 2ஜி கேஸில்  முன்னாள் அமைச்சர் ராஜா பல நாட்கள் சிறையில் இருந்திருக்கிறார்  வழக்கு இன்னும் முடிந்தபாடில்லைஆதாரங்கள் இல்லாமலா கைது செய்தார்கள் அந்த ஆதாரங்களின்  அடிப்படையில் வழக்கை முடிக்காமல் ஏன்  இருக்கிறார்கள் என்னவோ நடக்குது ஒன்னுமே புரியலே

ஒவ்வொரு நாளும் பத்திரிகையில் இன்னார் மீது இன்ன குற்றம்  இருக்கிறது என்று எழுதப்பட்ட செய்தி வந்தவண்ணம் இருக்கிறது எந்த வழக்கும்  முற்றுப்பெறாமலேயே இருக்கிறது பொதுமக்கள் அவற்றை மறந்து போகும் நிலையில்  அவை புதுப்பிக்கப் படுகின்றன ஆனால் வழக்கு முடிந்து தீர்ப்பு வந்தாலும்  மேல் கோர்ட்டில் அப்பீல் ஆகி அவை பின்  நீர்த்துப் போகின்றன மறைந்த முதல்வர் ஜெயலலிதாவின் மேல் சாற்றப்பட்ட சொத்துக் குவிப்பு வழக்கு ஒரு க்லாசிகல் எக்சாம்பிள்  18 ஆண்டுகளாக நிலுவையில் இருந்த வழக்கில் அவர் குற்றவாளி என்று நீதிமன்றம்  உறுதி செய்து  அவர் தண்டனையும்  வழங்கப்பட்டார். சட்டசபை உறுப்பினர் பதவியையும் இழந்தார் பின்பு ஹை கோர்ட்டில் விடுதலை செய்யப்பட்டார்  மீண்டும்தேர்தலில் நின்று முதலமைச்சராகவும்  இருந்தார்  சுப்ரீம்கோர்ட்டுக்கு அப்பீல் செய்யப்பட்டு வழக்கு முடிந்து தீர்ப்பு வராமல் பல மாதங்களாக இருக்கிறது  அவரும்  இறந்து விட்டார்  ஆனால் அவருடன் குற்றம்சாட்டப்பட்டவர் இன்றும் தீர்ப்பு வராததால்  வெளியே இருக்கிறார் தீர்ப்பு வழங்க தாமதம் ஏன்  அரசியல் விளையாடுகிறதோ என்னும்  சந்தேகம் எழுகிறது அப்படியானால் நம் நீதிமன்றங்களின்  தீர்ப்பை இஷ்டத்துக்கு  அரசியல் வாதிகள் வளைக்க முடியுமா  நம்நீதிமன்றங்கள் சுயமாய் இயங்குவதில்லையா நீதி தேவதையின் கண்கள் கட்டப்பட்டுக் காண்பிக்கப் படுகின்றன அது நீதிக்குக் கண் இல்லை என்பதை காண்பிக்கவா அல்லது நீதி எதையும் கண்டுக்காது என்பதைத் தெரிவிக்கவா என்னவோ நடக்குது ஒன்னுமே புரியலே

ஒரு வாதத்துக்கு ஆயிரம்  குற்றவாளிகள் விடுவிக்கப்பட்டாலும்  ஒரு நிரபராதி தண்டிக்கப்படக் கூடாது என்பதே தாரக மந்திரமென்றால் அவை எல்லாம் செல்வாக்கும்  பணமும்  உள்ளவர்களுக்கு மட்டுமா. இவர்கள் நிரபராதிகள் என்றால் செய்யாத குற்றத்துக்காக சிறையில் வாடினார்களா அப்படியானால் நீதிமனன்றங்கள் சரியாக செயல் படவில்லையா உண்மையில் நிரபராதிகள் என்றால் அரசும் நீதிமன்றமும்  அவர்களின்  மன உளைச்சலுக்குப் பதில் சொல்ல வேண்டாமா என்னவோ நடக்குர்து ஒன்னுமே புரியலே

ஏதோ நினைவுக்கு வரும்  சில கேஸ்களை மட்டுமே குறிப்பிட்டு இருக்கிறேன்  நடைமுறையில் எங்கோ தவறு இருக்கிறது நமது நீதிமன்றங்கள் சுதந்திரமாக இயங்குவதில்லையா சட்டமும் நீதியும்  எப்படி வேண்டுமானாலும் வளைக்கப்படலாமா அதுவே ஒரு சாதாரணனுக்கு சாதகமாக விளங்குவதில்லையே  என்னவோ நடக்குது ஒன்னுமே புரியலே

 இதை வாசிப்பவர்கள் அவசியம்  அவர்களது கருத்துகளைப் பதிய வேண்டுகிறேன்