மாஸ்டர் ஹிரனையா

                                            மாஸ்டர் ஹிரனையா
                                           -----------------------------------

மாஸ்டர்  ஹிரனையா காலமானார் என்னும் செய்தி என்  நினைவுளை உசுப்பி விட்டது மாஸ்டர் ஹிரனையா ஒரு நாடக நடிகர் தயாரிப்பாளர்  பெங்களூர்  சுபாஷ் நகர்  திடலில்  ( இப்போது மெஜஸ்டிக்  பேரூந்து நிலையம்  இருக்கும் இடம் ) அவரது நாடகம் ஒன்றைப் பார்க்கச் சென்றிருந்தேன் நாடகம் பெயர் லஞ்சாவதாரா 1960ம் ஆண்டு என்ற நினைவு  நாடகம் துவங்கும் முன்   திரு ஹிரனையா மேடைக்கு வந்து  டிக்கட் வாங்கி வந்திருப்பவர்களுக்கு  நன்றி கூறினார் டிக்கட் வாங்காமல் பாசில் வந்திருப்பவர்கள் நாடகக் கலைஞர்களுக்கு  துரோகம் செய்கிறது போல் இருக்கிறது என்று ஏதோ சொன்ன நினைவு

இவரது நாடக வசனங்கள்  சமயத்துக்கும்  அன்றைய செய்திக்கும் ஏற்றமாதிரி இருக்கும் ஏனோ தெரியவில்லை  எம் ஆர் ராதா நாடகம்பார்ப்பது போலிருக்கும்

அவரது நாடகங்கள் ஊழலுக்கும் லஞ்சதுக்கும்  எதிராககுரல் கொடுப்பவை  நம் தமிழர்கள் தமிழில் பேசத்  தயங்குவார்கள் என்று நினைத்துக் கொண்டிருக்கிறோம்  ஒரு முறை அமெரிக்காவில்  ஒரு என்  ஆர் ஐ  மீட்டுக்கு  அவர் போயிருந்தாராம்   நிறைய  தென்  இந்தியர்கள் கலந்து கொண்ட விழா அது அவர் அருகில், அமர்ந்திருந்த ஒரு அமெரிக்கர் தென் இந்தியர்களை எப்படி  புரிந்துகொள்வது  என்று கேட்டாராம்   ஹிரனையா  அது எளிது என்று கூறி  விளக்கினாராம்   தெலுங்கில் கேள்வி கேட்டு தெலுங்கில் பதில் வந்தால்  அவர் தெலுங்கர் எனலாம்  தமிழில் கேள்வி கேட்டு  தமிழில் பதில் வந்தால்  தமிழர் எனலாம் மலையாளத்தில் கேள்வி கேட்டுமலையாளத்தில் பதில் வந்தால்  அவர் மலையாளி எனலாம் கன்னடத்தில் கேள்வி கேட்டு  ஆங்கிலத்தில் பதில் வந்தால்  அவர் கன்னடியர் என்லாம்   என்று விளக்கினாராம் 

ஹிரனையா 1934 ------2019