இவரைத் தெரிகிறதா ....?

                  இவரைத் தெரிகிறதா....?
                  ------------------------------------
எனக்கு வலை உலக நட்புகளை வலை மூலமில்லாது நேரிடையாகவும் சந்தித்து நட்பினைப் பேண வேண்டும் என்பது ஆவலும்  குணமும்  வலைப் பதிவர் சந்திப்பு அல்லாமலும் எனக்கு சந்தர்ப்பம் வாய்க்கும் போது நான் போயோ அல்லது நான் இருக்குமிடம் நண்பர்களை வரவழைத்தோ அளவளாவுவது வழக்கம் இப்படியாகப் பல நட்புகளைப் பெற்றிருக்கிறேன்  பதிவிலும் பதிந்திருக்கிறேன் இம்முறை புதுக் கோட்டையில் ஒரு நண்பர் என்னை அடையாளம் கண்டுகொண்டு அழைத்தார் உணவு உண்டு திரும்பும்போது பார்த்தார்  கைகழுவி வரும் முன் மறைந்து விட்டார்  ஆனால் ஒரு பதிவின் பின்னூட்டத்தில்  பெங்களூர் போவதாகக் கூறி இருந்தார் . அதே பின்னூட்டத்தில் நானும் அவர் பெங்களூரில் இருந்தால் சந்திக்க விரும்புவதாக எழுதினேன்  ஆச்சரியம் அவர் பெங்களூரில் என்னைத் தொடர்பு கொண்டு அழைத்தார் / நானும் அவரை என் வீட்டுக்கு வருமாறு வேண்டினேன்  அவர்தான் இவர்/ யாரென்று தெரிகிறதா ? வலை உலகில் புனைப்பெயரில் உலவும் ஒருவர். பதிவில் தளத்தில் புகைப்படமும் கிடையாது.  எப்போதாவது என் தளம் வருவார் / நானும் போவேன் என் புகைப்படமும் தொலைபேசி எண்ணும்  தள முகவரியும் பலருக்கும் தெரியும் இவர் என்னை அடையாளம் கண்டு கொண்டு பேசியது புரிந்தது நான் என்னை அறிமுகப் படுத்திக் கொண்டேன் என் வீடு தேடி வந்தவருடன் நெடுநேரம் பேசிக் கொண்டிருந்தேன் என் பழைய பதிவுகள் பலவற்றைக் காட்டினேன் 2012-13  களில் இருந்த  எழுத்தின்  ஓட்டம் இப்போது இல்லை என்று அபிப்பிராயப் பட்டார்  எங்களுடன் மதிய உணவு அருந்தினார்  தன் பெயரையும் குறிப்பிட்டார்  பதிவுலகப் பெயரிலேயே நான் அவரை அறிந்தேன்  அவரும் ஏதோகாரணம்கொண்டு அவரது நிஜப் பெயரைக் குறிப்பிட்டுக் கொள்ளாதபோது நானும் தவிர்க்கிறேன்  இவரையும் என்னையும் சேர்த்து ஒரு புகைப்படம் எடுக்க என் மனைவியிடம் சொன்னேன்  ஆனால் அது செயல் படுத்தப் படும் முன் அவர் விடை பெற்றுக் கொண்டு சென்று விட்டார்.  இவர் யாரென்று தெரிந்தவர் பின்னூட்டத்தில் குறிப்பிடலாமே . பல வலை உலக நண்பர்களுடன்  நேருக்கு நேர் சந்தித்து  மகிழ்வது தனி இன்பமே.எழுத்தின் மூலம் அறிந்து கொள்வது இன்னொரு வகை இன்பம் 

வலை நண்பர் யார் தெரிகிறதா?
(தெரியாதவர்களுக்குப் பின்னூட்ட மறு மொழியில் கூறுவேன் )