ஐயப்பன் திருவிழா

                                        ஐயப்பன் திருவிழா
                                        ---------------------------

வலைப்பூக்களில் இப்போதெல்லாம் அதாவது இந்த மாதத்தில் பார்க்கும் பதிவுகள் அநேகமாகப் பக்திப் பதிவுகளாகவே இருக்கின்றன நானும்  என் பங்குக்கு ஒன்று எழுதுகிறேன்  ஆனால் இது என் கண்ணோட்டமாகவே இருக்கும்   

1998-ம் வருடம் என் மனைவிக்கு சபரிமலைக்குப் போக  ஆசை எழுந்தது என்  முந்தைய அனுபவங்களை எல்லாம் கேட்டவள் அவள்.என்றைக்குமே நான் என் மனைவியின்  ஆசைகளை நிறைவேற்றப் பாடுபடுவேன் அந்தயாத்திரைக்கு  நான்  என்மனைவி, என்  மூத்த மகன் என் மூத்த பேரன்   மகனது மாமனார்  என்வீட்டில் குடியிருந்த கன்னடிக நண்பர் ஒருவர்  ஆகியோர் புறப்பட்டோம் வழக்கம்  போல் யாத்திரைக்கான வழிமுறைகளை பின் பற்றினோம் இம்மாதிரி யாத்திரையில் கூறப்படும்  விஷயங்கள் சில நம் மனதையும்  உடலையும்  நம் கட்டுக்குள் கொண்டுவர உபயோகமாகும் முக்கியமாக எல்லாவிரதங்களும் உதவுபவையே கார்த்திகை மாதம் முதல் தேதி மாலை அணிந்து சுமார் நாற்பது நாட்கள் விரதமிருந்து யாத்திரைக்குத் தயாரானோம்

யாத்திரையின்  போது

சரணம் ஐயப்பா சுவாமி சரணம்  ஐயப்பா சபரிகிரிநாதா சுவாமி சரணம்  ஐயப்பா
சுவாமி சரணமையப்ப சரணம் சுவாமியே சரணம்

 என்று துவங்கி
மண்டல நுயம்பு நோற்று 
அட்சர லட்சம் மந்த்ரங்கள் உrருக்கொழிச்சு 
புண்ய பாப சுமடுகளாம் 
இருமுடிக் கெட்டும் ஏந்தி
பொன்னம்பல மேடு செவுட்டாம் வருந்நு ஞங்கள் (சரணம்  ஐயப்பா )     

பம்பையில் குளிச்சு தோர்த்தி
உள்ளில் ஓரங்கம்  அம்பலக் கிளியே உணர்த்தி 
பொள்ளையாயோர் ஒடுக்கமாய்  
பேட்டை துள்ளிப் பாட்டு பாடி
பதினெட்டாம்  படி செவுட்டாம் 
வருந்நு ஞங்கள்  (சரணம்  ஐயப்பா )
ஸ்ரீகோவில் திருநடையங்கள்
கற்பூர மலைகள் கை கூப்பி தொழுதிடும்போள்
பத்மராகப் ப்ரபவியர்த்தம் 
திருப்பதங்கள் சும்பிக்கும் 
கிருஷ்ண துளசிப் பூக்களாக  வருந்நு ஞங்கள்(சரண்ம் ஐயப்பா)  

என்னும்  ரீதியில் வாயில் பாட்டெடுத்து மலை யேறினோம்(பாட்டு வரிகள் மனைவி உபயம் ...!) 

 இந்த நிலையில் நான் சொல்லிக் கொள்ள விரும்புவது  பல கோவில்களுக்கும்  போகிறோம்  சிலர் பக்திப்பரவசம்  அடைகிறார்கள் ஆனால் சபரி மலைக்கு மகர ஜோதி தரிசனம்  காணச்செல்கிறோம் என்று சொல்பவர்களை நினைக்கும் போது அனுதாபமே எழுகிறது அந்த ஜோதி மனிதர்களால் மலை உச்சியில் ஏற்றப்படும் தீப்பந்தம்  என்பதை வெட்ட வெளிச்சமாக அறிந்தும்  ஜோதி தரிசனம்  என்பதில் மகிழும்  மக்களை என்னென்பது….! அந்தக் கடவுள்தான் இவர்களைத்தெளிவிக்க வேண்டும்

எதைப்பற்றியும்  கருத்து கூறும் முன் அது பற்றிய அனுபவம் வேண்டும்  என்று நினைப்பவன் நான்  அது போகட்டும்

 மார்கழி மாதம் முதல் தேதியில் எங்கள் ஊர்  ஜலஹள்ளி ஸ்ரீ ஐயப்பன் கோவிலில் கொடியேற்றி மண்டல பூஜை முடிந்து கொடி இறக்குவார்கள் நான்  இருக்குமிடம் ஒரு மினி கேரளா மலையாளிகள் கூட்டம்  சற்று அதிகம் மலையாளிகள் இருந்தால் ஐயப்பனுக்கு கோவிலும் இருக்கும் மார்கழி முதல் தேதி கொடி ஏற்றத்தை  எங்கள் ஏரியா பூஜையாகக் கொண்டாடுகிறார்கள்  கணிசமாகத் தொகை வசூலித்து பெரிய திருவிழாவாகவே கொண்டாடுகிறார்கள் நாங்கள் இருக்கும்  சாலை வழியே ஊர்வலம்  போகும்   கேரள பாரம்பரிய Top of Form

Bottom of Form

கலைகளைக் காண ஒரு சந்தர்ப்பமாகவே நான்  நினைப்பதுண்டு சுமார் ஆயிரம்  பெண் குழந்தைகள் தாலம்(தட்டு)  ஏந்தி அதில் விளக்குடன்  வருவார்கள் ஊர்வலம்  ஒரு இடத்தைகடக்க சுமார் ஒரு மணிநேரம்  ஆகும்   வாண வேடிக்கைகளுக்கும் குறைவிருக்காது  முன்பெல்லாம்  யானையும்  அதன்  மேல் ஐயப்பனும்  உலா வருவார்கள் இப்போது அதெல்லாம்  தடை செய்யப்பட்டிருக்கிறதாம்  என்  வீட்டு முன் செல்லும்  ஊர்வலத்தைக் காணொளியாக்கி இருக்கிறேன்  அவற்றில் சில உங்கள் பார்வைக்கும். பொறுமை இல்லாமல் காணொளியைத் தாண்டிப் போகிறவர்களுமிருக்கிறார்கள் என்பது தெரிந்தும்  அவற்றில் சிலவற்றைப் பகிர்கிறேன் 

 

'