காதல் போயின் முடிவுகள்

                                 காதல் போயின்  மீதிக்கதை போட்டி முடிவுகள்
                                  ----------------------------------------------------------------
காதல் காதல்காதல் காதல் போயின்” என்று ஒரு சிறுகதை எழுதி பாதியில் நிறுத்தி இருந்தேன்  மீதிக்கதை வாசகர்களிடம் எழுதக் கேட்டிருந்தேன் நான் எழுதி வைதிருந்த முடிவோடு ஒத்துப் போகிற கதை எழுதுகிற வாசகருக்குப் பரிசு என்றும் கூறி இருந்தேன். போட்டியில்  எந்தக் கதையும் என் முடிவுடன் ஒத்துப்போகாத நிலையில் திரு பால கணேஷிடம் அவர் சிற்ந்த முடிவு என்று தேர்வு செய்யும் கதைக்கு பரிசுக்கு பரிந்துரைக்க வேண்டி கேட்டிருந்தேன். அவரது முடிவினைக் கீழே பிரசுரிக்கிறேன் பங்கு கொண்ட அனைவருக்கும் என் நெஞ்சார்ந்த நன்றிகள் போட்டியில் வெற்றி பெற்றவருக்கு என் மன் நிறைந்த வாழ்த்துக்கள். இனி கணேஷ்

காதல் என்கிற விஷயத்தைப் பொறுத்தமட்டில் ஆணின் பார்வையில் பெண் அழகாக இருந்தால் மட்டுமே போதுமானது. காதல் பிறந்துவிடும். நெருங்கிப் பழக ஆரம்பித்ததும் அவள் குணங்கள் பிடித்திருந்தால் சகித்துப் போவதும் இல்லையேல் காதல் முறிதலும் நடத்தல் இயற்கை. பெண்ணின் பார்வையில் என்றால் ஆணின் உருவ அழகு மட்டுமே காதலுக்கான தகுதியாகி விடாது. அவன் என்ன படித்திருக்கிறான், பின்னாளில் எவ்வளவு சம்பாதிப்பான், தங்கள் வளமான வாழ்வுக்கு அது போதுமா என்றெல்லாம் ஒரு மினி சர்வேயே மனதில் நடத்திவிட்டுத்தான் பின் காதலுக்கு ஓ.கே. சொல்வார்கள். அதேபோல காதல் என்பது மறுக்கப்பட்டால் அதையே வாழ்வின் மிகப்பெரிய தோல்வியாக எண்ணி தற்கொலை செய்து கொள்ளும் மடத்தனத்தை (பெரும்பாலும்) செய்வது ஆண்கள்தான். மெண்கள் அம்மட்டில் உறுதியாகவே இருப்பார்கள். ‘ஐயோ, பாவம்’ என்று ஒருநாள் அவனுக்கு மௌன அஞ்சலி செலுத்தினால் அவன் புண்ணியம் செய்தவன்.

----///இந்த என்னுடைய கருத்துக்கள் எல்லாம் நான் பார்த்த மற்றும் படித்த காதல்களின் அடிப்படையில் என்னுள் முகிழ்த்தவை. நிஜத்துல காதலைச் சந்திக்க வாய்ப்பு அமையாத (அ)பாக்கியவான் நான். நம்புங்க ஸாமிகளா... ஹி,,, ஹி,,, ஹி,,,! கேர்ள்ஸ் ஆர் பிராக்டிகல் என்கிற ஜி.எம்.பி. ஸாரின் கருத்தில் எனக்கு உடன்பாடு உண்டு. ஆக காதலிக்கிற ஆண் உணர்ச்சி வயப்பட்டு வாழ்வைத் தொலைக்க முடிவெடுக்கிறான் என்கிற ஜி.எம்.பி ஸாரின் முடிவையொட்டி யாருடைய முடிவு அமையப் போகிறது என்பதைப் படிப்பத்ற்கு மிக ஆர்வமாகக் காத்திருந்தேன் நான். போட்டியில் கலந்து கொண்ட அனைவருக்கும் நெகடிவ் முடிவு பிடிக்கவில்லை போலிருக்கிறது. அனைவரின் முடிவுமே பாஸிட்டிவ் ஆக அமைந்து விட்டது. அதிலும் மகளிருக்கு 95 சத இடஒதுக்கீடு தந்த மாதிரி... போட்டியாளர்களில் ஒருவரைத் தவிர மற்ற அனைவரும் பெண்கள் என்பது வெகுசிறப்பு.

போட்டிக்கு வந்த முடிவுகளை நான் அலசி தேர்வு செய்த விதத்தில் உங்களுக்கு மாற்றுக் கருத்து இருக்கலாம். என்னுடைய கோணத்தில் சிந்தித்ததன் மூலமே முடிவெடுத்துள்ளேன். ஆக கருத்து வேறுபாடு (ஒருவேளை) இருந்தால்... என்னை நடுவர் என்று ஜி.எம்.பி. ஸார் (ஏதோ நம்பிக்கையில்) தேர்ந்தெடுத்து விட்டதால் (வேறுவழியின்றி) நீங்கள் ஒப்புக் கொள்ளத்தான் வேண்டும். இனி... இந்த முடிவுகளை நான் எவ்விதம் அலசினேன் என்பதைப் பார்க்கலாம்.

ஜி.எம்.பி.ஸாரின் முடிவுக்கு ஒத்துப்போகும் முடிவு எதுவும் இல்லாதபட்சத்தில் வேறொரு சிறந்த முடிவாகவோ அல்லது அதைவிடச் சிறந்த முடிவையோ தருபவர்களைத் தேர்ந்தெடுத்து பரிசு தரலாம் என்று முன்பே அவர் சொல்லியிருந்தார். அந்த அடிப்படையில் அலசினால் அவன் சொன்ன காதலை அவள் ஏற்றுக் கொள்கிறாள் என்கிற அம்பாளடியாள் மற்றும் தமிழ்முகில் ஆகியோரின் முடிவினால் கதை சிறப்படையவில்லை. சாதாரணக் கதைகளில் ஒன்றாகி விடுகிறது. சிறுகதையின் முத்தாய்ப்பு என்பது படிப்பவரை ஏதாவது ஒரு வகையில் பாதித்தால்தான் அது நல்ல சிறுகதை என்கிற அடிப்படையில் இந்த இரு முடிவுகளைத் தவிர்த்தால் எஞ்சியிருப்பது கீதா சாம்பசிவம், ராஜலக்ஷமி பரமசிவம், கீதமஞ்சரி ஆகிய மகளிர் அணிப் போட்டிதான்.

கீதமஞ்சரி தந்த முடிவு புதிய கோணத்தில் அமைந்திருந்தது என்னை வெகுவாக ரசிக்க வைத்தது. ஆனால் அவளிடம் காதலைச் சொல்ல முடிவெடுத்தவன், இவளே அழகாக இருக்கிறாளே என்று கணத்தில் தோன்றி இவளைக் கைப்பற்றிக் கொள்கிறான் என்றால் அவனுக்கு வந்தது காதலே அல்ல...! பெண் என்ன ஐஸ்க்ரீமா இந்த ப்ளேவர் பிடிக்காவிடில் அந்த ப்ளேவர் பெட்டர் என்று தேர்ந்தெடுக்க..? ஆயின் பத்திரிகைகளில் பிரசுரிப்பதற்கு ஏற்ற திடீர் திருப்பம் அடங்கியதாக மாற்றிய விதம் நன்று. ஆக எழுத்து நடை மற்றும் எதிர்பாராத திருப்பம் ஆகியவற்றில் ரசிக்க வைத்த கீதமஞ்சரிக்கு கைகுலுக்கலும் பாராட்டுகளும்!

ராஜலபக்ஷ்மி மேடம் தந்துள்ள முடிவு எனக்கு ஏற்புடையதாக இருந்தது. காதலித்த பெண்ணினால் ஒருத்தன் லட்சியவாதி ஆகிறான்,. கலெக்டராகவே ஆகிறான் என்பது அழகுதான். ஆனால் லட்சியம் என்று அவள் சொல்லி விட்டதற்காக அவன் அதை மட்டுமே பற்றிக் கொண்டு அவளைக் கோட்டை விடுவது சரியாகப் படவில்லை. ‘ஐ.ஏ.எஸ் தேர்வில் செலக்ட் ஆனவுடனே அவளைப் பெண் கேட்டுப் போயிருக்கலாமே...?‘ என்கிற கேள்வியும் எழுந்தது. இவர் எழுத்தில் காட்டிய பாஸிட்டிவ் ஆங்கிள் ரொம்பவே பிடிச்சிருந்தது.

கீதா சாம்பசிவம் மேடம் தந்துள்ள முடிவு Down to Earth மிக இயல்பானதாக, ஏற்றுக் கொள்ளத் தக்கதாக இருந்தது. ஒருவேளை நீயே பெண் கேட்டு வந்து என் பெற்றோர் ஒத்துக்கிட்டா உன்னை ஏத்துப்பேன் என்கிற அவளின் தெளிவான ப்ராக்டிகலான முடிவும் சரி... அவள் மற்றும் அவள் பெற்றோர் விரும்பும் வண்ணம் ஒரு நல்ல நிலைக்கு வந்து அவளை அடைவேன் என்று அவன் எடுக்கும் உறுதியும் சரி... வெகு அழகு! அதன்பின் அவன் என்ன நிலைமைக்கு வந்தான் என்பதை படிப்பவரின் மனோபாவத்திற்கேற்ப கற்பனை செய்து கொள்ளட்டும் என்று விடுவது பெஸ்ட். (கீதா மேம் முதலில் ஒரு முடிவு எழுதி பின் அதை மாற்றி இதை எழுதி அனுப்யினதா சொல்லிருக்காங்க. நல்லவேளை... அந்த முதல் முடிவை அனுப்பலை.)

ஆக,,, என் கண்ணோட்டத்தின் படி போட்டோபினிஷிங்கில் கணநேர இடைவெளியில் முந்தி வெற்றிக் கோட்டைத் தொட்ட குதிரை எனில் கீதா சாம்பசிவம் அவர்களின் முடிவுதான். காதல் தோல்வியால் கதைநாயகன் தற்கொலை முடிவு எடுக்கிறான் என்கிற ஜி,எம்,பி, ஸாரின் நெகடிவ் எண்ட் முடிவுக்கு மாற்றாகச் சிந்தித்தால் பாஸிடிவ் எண்ட் கொண்ட இந்த முடிவு சரியாக இருப்பதாக என் உறுதியான கருத்து

பரிசை வென்ற கீதா சாம்பசிவம் மேடத்துக்கு என் மகிழ்வான நல்வாழ்த்துக்கள்..!. தங்கள் பங்களிப்பின் மூலம் போட்டியைச் சிறப்பாக்கிய போட்டியாளர்கள் அனைவருக்கும் என் நல்வாழ்த்துகளும்., கை குலுக்கல்களும்..! என் மீது நம்பிக்கை வைத்து கு.த,பனங்காய் போல இப்படி ஒரு  பெரும் பொறுப்பை என்னிடம் ஒப்படைத்த ஜி.எம்.பி ஐயா அவர்களுக்கு என் மனம் நிறைந்த நன்றிகளும்  நமஸ்காரங்களும்

காதல் காதல் காதல் காதல் போயின் .( மீதிக் கதை)

காதல் காதல் காதல் காதல்  போயின் ( திடங்கொண்டு போராடு )
   -------------------------------------------------------------------------------------
என் பதிவில்/ இப்படிக்கண்டதும் காதல் என்பதில் உனக்கு உடன் பாடா” என்று பாபு
கேட்டான். அந்த நிமிஷத்தில் அவன் வாயில் சனி இருந்திருக்க வேண்டும் என்று முடித்திருந்தேன்


( தொடர்ச்சி)

“இல்லை.  கண்டதும் காதல் என்பதில் எனக்கு உடன்பாடில்லை”

பின் என்னைச் சந்திக்க ஓடோடி வந்தாயே .. ஏன்.”

உங்கள் மேல் காதல் கொண்டு ஓடி வந்தேன் என்று நீங்கள் நினைத்தால் நான் பொறுப்பாக முடியுமா”

சந்தியா நான் ஆர்ர்வத்துடன் எழுதிக் கொடுத்த கடிதத்தை ஆவலுடன் வாசித்தாயே  அது பொய்யா.?

 வாசித்தேன் என்பது உண்மை. ஆவலுடன் வாசித்தேன் என்று எப்படி கூறுகிறீர்கள்”

பாபுவுக்கு சங்கடமாக இருந்தது. அழைப்பு விடுத்ததும் முன் பின் அறியாத பெண் ஏன் என்னைப் பார்க்க வந்தாள் என்று தெரிந்து கொண்டிருக்க வேண்டாமா. கண்டவுடன் காதல் என்று எப்படி தீர்மானித்தேன் என்று மனம்புழுங்கினான் இவன்மனதில் ஓடும் எண்ணங்களை அப்படியே உணர்ந்து கொண்ட சந்தியா

”பிறகு ஏன் வந்தேன் என்று எண்ணுகிறீர்கள் இல்லையா. பெண்கள் என்றாலே உங்களுக்கு எப்படியாவது அடைந்து விடலாம் என்ற எண்ணம். அதெப்படிக் கண்டதும் காதல்வரும் அதுவும் பெயர் கூடத்தெரியாத பெண்ணைக் காதல் என்று கூறி மயக்கலாம் என்று எண்ணுகிறீர்களா?நீங்கள் யரென்றே தெரியாத நான் உங்களை எப்படி விரும்ப முடியும்?இனக் கவர்ச்சி என்பது ஆண்களுக்கே உண்டு. பெண்கள் ஆழமானவர்கள்.  ஆழ்ந்தெரியாமல் காலைவிட்டு அவதிப்படும் காலம் அல்ல இது”

சந்தியா பேசப் பேச பாபுவுக்கு வருத்தம் தாங்க முடியவில்லை. சந்தியா கேட்டதிலும் இருந்த நியாயம் அவனை நிலைகுலைத்தது. உண்மையில் அவன் இனக் கவர்ச்சியால் ஈர்ப்பு கொண்டு சந்தியாவை நாடியிருந்தால் அவ்வளவு கவலைப் பட்டிருக்க மாட்டான் சந்தியாவிடம் தனக்கு ஏற்பட்டது புனிதமான காதல் என்று எப்படி அவளுக்குப் புரிய வைக்க முடியும்

“ சந்தியா என்னைத் தவறாகப் புரிந்து கொண்டாய். அது உனக்கும் தெரியும் இருமனம் இணைந்தால் திருமணம் என்றல்லவா நினைத்துக் கொண்டிருந்தேன். இருமனதிலும் இணைப்பு இருக்கிறதா என்று தெரிந்து கொள்ளவல்லவா உன்னை வரச் சொல்லிக் கூப்பிட்டேன். நீ வந்திருக்காவிட்டாலும் வருந்தி இருக்க மாட்டேன். ஆனால் வந்து என் புனிதமான அன்பைக் கொச்சைப் படுத்திப் பேசுகிறாயே அதைத்தான் தாங்க முடியவில்லை “ என்று கூறிக் கண்ணீர் வடித்தான்

“ அதெப்படி பாபு இருமனம் இணைந்தால் திருமணம் என்கிறீர்கள். நீங்கள் படித்தவர் என்றே எண்ணுகிறேன் தொல்காப்பியர் காலத்திலேயே சொல்லப் பட்டதை உங்களுக்குக் கூறுகிறேன்

”பிறப்பே, குடிமை, ஆண்மை, ஆண்டோடு உருவு, நிறுத்த காமவாயில் ,நிறையே, அருளே உணர்வோடு திருவென முறையுளக் கிளந்த ஒப்பினது வகையே” என்று தொல்காப்பியர் குறிப்பிடுகிறார்.”

 இப்பொழுதும் இளமை வனப்பு வளமை கல்வி அறிவு எனப் பல பொருத்தங்களும் சேர்ந்த மண வாழ்வுதான் சிறக்கிறது இருமனம் இணைந்தால் திருமணம் என்பதே தவறான கான்செப்ட். நீங்கள் எப்படிப்பட்டவர் என்று தெரிந்து கொள்ளவே இங்கு வந்தேன். ஆனால் கண்டதும் காதல் என்று கூறி என் மயக்கம் தெளிவித்தீர்கள் குட் பை. நான் வருகிறேன்“

என்று சொல்லி அவ்விடம் விட்டகன்றாள்

அவள் அங்கிருந்து போனதும் பாபுவுக்கு இருட்டிக் கொண்டு வருவது போல் தடுமாற்றம் அவள் வராமலேயே இருந்திருக்கலாம் வந்து தன் காதலைக் கொச்சைப் படுத்திப் பேசியதை அவனால் தாங்க முடியவில்லைகடைசியில் தன் காதல் அரை அமர காதல்தானா என்று  தட்டுத்தடுமாறி வீடு போய்ச் சேர்ந்தான். சந்தியாவின் பேச்சு அவானை ஒரு முடிவுக்குத் துரத்தியது

அளவுக்கு மீறிய தூக்க மாத்திரைகளை விழுங்கி அவன் நித்திரையிலிருந்து எழவே இல்லை.....

.

(என் விளக்கம்

சிறு கதை என்பது கற்பனையில் தோன்றும் நிகழ்வுகளைச் சொல்லிப் போவது. கற்பனை என்பது கட்டுக்குள் அடங்காதது. ஆனாலும் கதைகளை சொல்லும்போது கற்பனையிலும் ஒரு யதார்த்தம் வேண்டும்.நிகழ்வுகளை குறிக்கும் போது கதாபாத்திரங்களின் மனோபாவம் வெளிப்பட்டிருக்க வேண்டும் கதைகளை இப்படித்தான் தொடங்கி இப்படித்தான் முடிக்க வேண்டும் என்ற விதிகள் ஏதும் இருப்பதாகத் தெரியவில்லை. கதாபாத்திரங்களைப் படம் பிடித்துக் காட்டும்போது இவர்கள் இப்படி நடந்து கொள்வார்கள் என்று யூகிக்க இடமுண்டு. இவர்களின் நடவடிக்கைகள் இப்படியும் நடக்குமா என்பதை விட இப்படியும் நடக்கலாம் என்று சிந்தித்தே “காதல்,காதல், காதல், காதல் போயின்” என்னும் என் சிறுகதையின் முடிவை நிர்ணயித்தேன், இப்படி சிந்திப்பவர் இருக்கிறார்களா என்று அறியவே மீதிக்கதை எழுத வாசக நண்பர்களைக் கேட்டுக்கொண்டேன். நான் கதையில் பாபுவை எதையும் சிந்தித்து செயல் படாத ஒரு கோழை மனம் படைத்தவனாகக் காட்டினேன். கூடவே இக்காலப் பெண்கள் யதார்த்த வாதிகள் என்றும் கோடிகாட்டினேன். கதைகளை படித்துக் காதலுக்குப் புனிதத் தன்மை தரும் இளஞன் பாபு அப்படி அது நிறைவேறப் போவதில்லை என்று தெரிந்ததும் ஒரு தவறான முடிவை எடுக்கிறான் என்றும் முடித்திருக்கிறேன்  BOYS ARE IMPULSIVE: GIRLS ARE PRAGMATIC.) 

என் கதையைப் படித்து மீதிக்கதை எழுதி அனுப்பிய அனைவருக்கும் என் நன்றிகள், வாழ்த்துக்கள்...!
திரு. பாலகணேஷ் என்ன சொல்கிறார் பார்ப்போம்.  

மகளிர் தினம்

                  
                                                   மகளிர் தினம்
                                                   --------------------
மகளிர் தினத்தில் பலரும் எழுதி இருக்கிறார்கள். பெயரும் புகழும் பெற்ற பெண் மணிகள் விருது பெற்றோர் , மகளிர் தினத்துக்கு காரணமானவர்கள் என்று பலரும் எழுதி இருக்கிறார்கள். ஆனால் ஒரு மூதாட்டி பற்றிய செய்தியைப் பகிர வேண்டும் என்று நினைத்தேன். ஆனால் அவர் குறித்த செய்திகள்  சரியாக நினைவுக்கு வராததால் கணினியில் தேட முயன்றேன் வெற்றி பெறவில்லை. ஆகவே நினைவுக்கு வருவதைப் பகர்கிறேன் கர்நாடக மாநில மூதாட்டி வயது எழுபதுக்கும் மேல் (இப்போது) அவர் என்னதான் சாதித்து விட்டார். தனி ஒரு ஆளாக நூற்றுக் கணக்கில் மரங்களை நட்டுப் பராமரித்து வருகிறார். பெயர் சாலு மாரக்கா என்று நினைவு. கர்நாடக மாநிலத்தில் இவரது சேவை அடையாளம் கண்டு கொள்ளப்பட்டு கௌரவப் படுத்தப் பட்டிருக்கிறார். அண்மையில் இவர் உடல் நலமில்லாதபோது அரசாங்கமே மருத்துவ உதவி செய்திருக்கிறது. படித்தவர் அல்ல. பாமரர். சுற்றுச் சூழல் பற்றிப் பேசியே காலங் கழிக்கும் நம்மிடையே ஒரு அசாதாரண தொண்டு மனம் படைத்தவர். இன்னுமிவர் பற்றி செய்திகள் தெரிந்தவர் பகிர்ந்து கொள்ளலாமே

தவறான பெயரில் தவறான இடத்தில் தேடி இருக்கிறேன், அவர் பெயர் சாலு மாரத திம்மக்கா. 285 ஆல மரங்களை நான்கு கிலோமீட்டர் இடையே நட்டு பராமரித்திருக்கிறார். இவருக்கு அனெரிக்க அரசின் பாராட்டும் கிடைத்திருக்கிறது குழந்தைகள் இல்லாத இவர் மரங்களை குழந்தைகள் போல் பாவித்திருக்கிறார்
 ஸ்ரீராமின் பின்னூட்டம்கிடைக்கு முன்பே நானும் பார்த்து விட்டேன். பதிவை சரி செய்தும் விட்டேன். ஸ்ரீராமுக்கு நன்றி.
( காதல் காதல் காதல் , காதல் போயின்” போட்டி மீதிக்கதைக்கு கடைசிநாள் 10-ம் தேதி. நினைவூட்டுகிறேன்)  

வாழ்க்கை வாழ்வதற்கே

                                   வாழ்க்கை வாழ்வதற்கே
                                    ---------------------------------
 வாழ்க்கையில் மகிழ்வுடன் இருக்க சில குறிப்புகள்
-------------------------------------------------------------------------

 1 )மகிழ்வுடன் இருக்கத் தீர்மானம் செய்யுங்கள்

 2) நடக்க முடியாதது என்பதைக் கனவு காணுங்கள்

 3) பிறர் பேசுவதைக் காது கொடுத்துக் கேளுங்கள்

 4) செய்வதில் மனம் லயித்துச் செய்யுங்கள்

 5) உண்மையை பின் பற்றுங்கள்

 6) மகிழ்ச்சியைப் பகிர்ந்து கொள்ளுங்கள்

 7) புதிதாய் ( மாற்றாக) சிந்தியுங்கள்

 8) உண்மையாய் இருங்கள்

 9) மன்னிக்கத் தெரிந்து கொள்ளுங்கள்

 10) கவலைப் படுவதை தவிருங்கள்

 11) நகைச்சுவை உணர்வோடு இருங்கள்

 12) பொறுப்பை ஏற்றுக்கொள்ளுங்கள்

 13) என்றும் கற்றுக் கொள்பவனாகவே இருக்கவும்

 14) மகிழ்ச்சியைப் பரப்புங்கள் 

சிந்திக்க ஒரு காணொளி

மகிழ்ச்சியைப் பரப்ப இரு காணொளிகள்

ஒரு western கௌ பாய் படத்தில்  ஒளிப்பதிவின் போது கதாநாயகன்  தூரத்தில் இருக்கும் ஒரு மரத்தில் இருந்த  ஒரு ஆப்பிளை அம்பு எய்தி வீழ்த்தினான். பார்த்துக்கொண்டிருந்த ஒருவர் How lucky என்றாராம் கதாநாயகன் அதிர்ஷ்டமல்ல கடும் உழைப்பு என்று கூறி அதேபோல் இன்னும் இரண்டு ஆப்பிள்களை வீழ்த்தினானாம் மேலே கண்ட பில்லியர்ட்ஸ் டேபிளில் அதே முனைப்பு தெரிகிறது அல்லவா..?

வாசக நண்பர்களே “ காதல் காதல் காதல்  காதல் போயின்  போட்டிக்கு மீதிக்கதை எழுதி விட்டீர்களா. நினைவு படுத்துகிறேன் கடைசி நாள் மார்ச் 10-ம் நாள்.   

கண்ணா மணி வண்ணா---கற்பனையில்

                  கண்ணா மணி வண்ணா --கற்பனையில்
                   ----------------------------------------------------------

கண்ணா கருமை நிறக் கண்ணா

கண்ணால் காணாத உன்னைக்

கற்பனைக் கண்கொண்டு வர்ணிக்க

நான் என்ன செய்ய வேண்டும் ?

உனக்கே உனக்கென்று சில அடையாளங்கள்

இருக்கவே இருக்கிறது நானேன் புதிதாய்ச்

சேர்க்க வேண்டும்? கருநிறம் சுருட்டை முடி

ரத்தினம் அல்லது வைரம், ஏதோ பதிதத

தலையலங்காரம் , அதில் மயில்பீலி செருகி

இருக்க வெண்ணிற பிறை நெற்றி

மேல் நோக்கி வளையும் குறி

சரிதானா கண்ணா நான் சொல்வது.?

விபுவே..! அசைகின்ற புருவங்கள்

அதனடியில் அருள் தரும் கண்கள்

ஒளிவீசி அடியார் அகம் குளிர் விக்குமாம்

அடியேனும் அதில் ஒருவனா கண்ணா.?

எடுப்பான நாசி கண்ணாடிக் கன்னங்கள்

சுடர் விடும் மகர குண்டலங்கள்

செவ்விதழ் விரிகையில் பளீரிடும் முத்துப் பற்கள்

காணக்கண் கோடி வேண்டும் என்பர் இல்லையே

இருந்தாலென் கற்பனை செய்யலாமே கண்ணா...1

இரத்தினம் பதித்த கை வளை குலுங்க

வேணுவை செந்தளிர் விரல்கள் மீட்டப்

பொழியும் கர்ணாமிருத கானம் காற்றில்

மிதக்க நானும் என்னை மறப்பதெப்போ?

மென் கழுத்தில் மணி மாலைகள்

மலர் மாலைகள்-நிற மாலைகளில்

வண்டினம் பறந்தாட சந்தண மணம்

மேனியில் கமழ வையமே மனந் திளைக்க

மெல்லிடையோய் அதில் பட்டாடை சலசலக்க

கதிர்பரப்பும் மணிகள் அரைஞாணில் கலகலகக

கண்டு அடியார் மனம் மறந்து உனைத் துதிக்கக்

காணும் எனைக் கண்ணா நீயும் ஆட்கொள்வதெப்போ.

அழகு தொடை இரண்டும் பருத்தவை

அதை மறைக்கப் பட்டாடை தெரிவது

கணுக்கால் மட்டுமே பிடித்து வணங்க

அது போதுமே என்பதே உன் சித்தமோ

கழலடி தொழலே இன்பம் விளக்குமே

சரணாகதித் தத்துவம் அறியாமை ஆணவம்

அடக்கி ஆட்கொளல் உன் கடனன்றோ

துன்பங்கள் களைந்து காத்திடு கண்ணா மணி வண்ணா. 

(காதல் காதல் காதல்  காதல் போயின்... மீதிக்கதை எழுதி அனுப்ப நினைவூட்டுகிறேன் நன்றி)   

  

அந்த நாள் ஞாபகம் நெஞ்சிலே வந்ததே

               அந்த நாள் ஞாபகம் நெஞ்சிலே  வந்ததே.......
                ---------------------------------------------------------

இவன் பயிற்சியில் சேர்ந்து பத்து மாதங்கள் ஆகியிருந்தது முதல் ஆறுமாதங்கள் கழிந்து மீதியுள்ள நாட்களை விடுதியில் தங்கித் தொடர வேண்டும் என்ற விதி

ஒரு நாள் அதிகாலை”எந்திரி, எந்திரி ஏந்திரி” என்னும் வழக்கமான கூப்பாடுடன் வார்டன் இவனது  அறைக் கதவைத் தட்டினார். காலையில் எழுப்பி காலைக்கடன்களை முடித்ததும் உடற்பயிற்சிக்குச் செல்ல வேண்டும் பின் காலை உணவுக்குப்பின் தொழிற்சாலைக்குச் சென்று ஒவ்வொரு வாரமும் ஒவ்வொரு இடத்துக்குச் சென்று பயிற்சியில் ஈடுபடவேண்டும் இந்த மாதிரிப் பயிற்சியில் தொழிற்சாலையில் அநேகமாக எல்லா இடங்களிலும் என்ன செய்கிறார்கள் என்னும் ஐடியா கிடைக்கும்.

அன்றைக்கு இவன் மனசே சரியாக இருக்கவில்லை. இன்னும் இரண்டு வருடங்களுக்கு மேல் பயிற்சிக்காலம் பாக்கி இருந்தது. நாட்கள் ஆமை வேகத்தில் கழிவது போல் தோன்றிக் கொண்டிருந்தது. இந்தப் பயிற்சிக்காலம் முடிந்து எல்லாத் தேர்வுகளும் முடிந்து பணிக்கு அமர்த்தப் படும் நாட்களை எண்ணிக் கொண்டிருந்தான் இவன்.  இவனுடன் பயிற்சியில் இருந்த அனைவரையும் மேலாளர் அழைத்தார். ”பயிற்சி முடிந்தால் உங்களைப் பணிக்கு அமர்த்தும் போது உங்களுக்கு என்ன சம்பளம் கிடைக்கும் தெரியுமா.?”

“தெரியும் சார்....நாளொன்றுக்கு  ஒரு ரூபாய் பத்தணா ப்லஸ் அலவன்ஸ் “என்று கோரசாகப் பதில் சென்றது

”பயிற்சி முடிந்து மெகானிக் வேலையில் அமர்வீர்கள் இல்லையா ? ஆனால் இதைவிட நல்ல பயிற்சி கொடுத்து சூபர்வைசராக வாய்ப்பு கிடைத்தால் எப்படி இருக்கும் . கொஞ்சம் யோசித்துப் பாருங்கள்” என்றார்

அங்கிருந்த சுமார் எண்பது பேர்களும் கலர் கலராக விழித்துக் கொண்டே கனவு காண ஆரம்பித்தார்கள், இவன் உட்பட.

“ஆனால்.....” மேலாளரின் இந்த இழுப்பு எல்லோரையும் இவ்வுலகிற்கு அழைத்து வந்தது “ இந்த வாய்ப்பு உங்களில் பனிரெண்டு பேருக்கே கிடைக்கும் உங்கள் அனைவரையும் பலவித தேர்வுக்கு உட்படுத்துவோம் பிறகு உங்களில் பன்னிரெண்டு பேர்கள் தேர்வு செய்யப்பட்டு சூபர்வைசர் பொறுப்புக்கு பயிற்சி பெற அம்பர்நாத்துக்கு அனுப்பப் படுவீர்கள் தயாரா.?” என்றார். பலரது ஆர்வமும் பொங்கி வரும் பாலில் நீர் விட்டது போல் அடங்கி விட்டது. ஆணைக்கு உட்பட்டுத்தானே ஆக வேண்டும். வேறு வழி.?ஆக ஒரு சுப முகூர்த்த நாளில் அனைவரும் தேர்வுக்கு உட்படுத்தப் பட்டனர். பொறி இயலில் ட்ராயிங். கணக்கு. என்று பலவித தேர்வுகளுடன் ப்ராக்டிகல் என்னும் தேர்வும் நடந்தது தேர்வில் வெற்றி பெற்று அம்பர்நாத்துக்கு அனுப்பப் பட்டு இரண்டு ஆண்டுகள் கழிந்து வெற்றியுடன் திரும்பினால் சூபர்வைசராக வேலை. அப்போது தொழிற்சாலைக்குள் நுழைய சில்வர் பாட்ஜ் கிடைக்கும் மெயின் கேட்டில் செல்லலாம். வருகையைப் பதிவு செய்ய அட்டையில் நேரம் குறிக்கும் மெஷினில் “தண்” என்று தட்ட வேண்டாம். மெகானிக்காகவே பயிற்சிமுடித்தால் சூபர் வைசர் ஆக குறைந்தது பனிரெண்டு ஆண்டுகளாவது ஆகும். தேர்வு செய்யப் பட்டால் அது ஒரு பெரிய வாய்ப்பாக அமையும் இதையெல்லாம் அந்த வார இறுதி நாளில் வீட்டுக்குச் செல்லும் போது அப்பாவுக்குச் சொல்ல வேண்டும் . அவரும் மகிழ்வார்  இருந்தாலும் தேர்வு ஆக வேண்டுமே...

இரு தினங்களுக்குப் பின் மீண்டும் அனைவரும் அழைக்கப் பட்டனர். மனம் ”திக், திக் “என்று அடிக்கும் சப்தம் அந்த நிசப்தமான அறையில் எங்கும் கேட்டிருக்கும். மேலாளர் “ நான் குறிப்பிடும் சிலர் முன் வந்து நான் சொல்லும்படி இட பாகத்திலோ வல பாகத்திலோ நிற்கவேண்டும் “என்றார். பூரண அமைதியான அந்த சந்தர்ப்பத்தில் என்ன சொல்லப் போகிறார். யார் யார் தேர்வு செய்யப் படுவார்கள் என்னும் எண்ணங்களின் நடுவே அனைவரும் காத்திருந்தனர். முதல் பெயரை அழைத்து வலது பக்கத்தில் நிற்கச் சொன்னார் அடுத்து இரண்டு மூன்று என்று கூப்பிடக் கூப்பிட  இவனுக்கு நெஞ்சே வாய்க்குள் வந்து விடும் போலிருந்தது . ஆறாவதாக இவன் பெயர் வாசிக்கப் பட்டது .ஆனால் இவனை இடப் பக்கம் நிற்கச் சொன்னார் அதேபோல் பனிரெண்டு பெயரும் வாசிக்கப் பட்டு ஒன்பது பேர் வலப் பக்கமும் மூன்று பேர் இடப் பக்கமும் நிறுத்தப் பட்டனர் இத்ற்குள் மீதி இருந்தவர்கள் முகங்கள் களை இழந்து போய் இருந்தது.

இந்த இடப் பக்கம் வலப் பக்க நிற்க வைக்கப் பட்டவர்கள் அடுத்து என்ன செய்தி என்றூ ஆவலுடன் இருந்தனர். முன்பே பனிரெண்டு பேர் தேர்வு செய்யப் படுவார்கள் என்று தெரிந்து இருந்ததால் தேர்வு ஆகிவிட்டோம் என்னும் மகிழ்ச்சி இருந்தாலும் இந்த இட வல வேறுபாடு எதைக் குறிக்கிறது என்று தெரிந்து கொள்ள ஆவல் மிகுந்திருந்தது இடப்பக்கத்தில் இருந்த மூவரும் ப்ரொவிஷனலி தேர்வு செய்யப் பட்டதாகச் சொன்னார். இவனை அழைத்து ”உன் பேச்சைக் குறைக்க வேண்டும். முந்திரிக் கொட்டை மாதிரி எங்கும் எதிலும் மூக்கை நுழைக்கக் கூடாது  ஒரு வார கால அவகாசம் “ என்று எச்சரித்தார் இருந்தாலும் இன்றுவரை இவனது அந்த முனைப்பு குறைந்துள்ளதா என்பது கேள்விக்குறியே. மற்ற இருவரும் அவர்களது குறைகள் எடுத்துக் கூரப்பட்டு எச்சரிக்கப் பட்டனர். தேர்வு ஆன பனிரெண்டு பேரும் cloud nine –ல் மிதந்தனர்.

அச்சமயம் இவனுடைய தந்தையார் உடல் நலக் குறைவால் மருத்துவ மனையில் சேர்க்கப் பட்டிருந்தார். அந்த வார இறுதியில் ( வார இறுதியில் வீட்டுக்குச் செல்லலாம் )மருத்துவ மனையில் தந்தையைப் பார்த்து இந்த மகிழ்ச்சியான செய்தியைப் பகிர்ந்து கொண்டான் . தந்தையும் இவன் வாழ்வில் இன்னும் பல வெற்றிகள் பெற்று முன்னுக்குவர வாழ்த்தினார். ஒரு கொசுவலையும் காலுக்கு நல்ல ஷூவும் வாங்க வேண்டும் என்றார் அதற்கான  ஏற்பாடாக அம்மாவிடம் பணம் கொடுக்கச் சொன்னார்.

இராண்டு நாட்கள் கழிந்திருக்கும் . இவன் பயிற்சியில் இருக்கும் போது மேலாளர் அழைப்பதாகச் செய்தி வந்தது. என்ன சொல்லப் போகிறாரோ ஒரு வேளை தேர்வு ஆகவில்லை என்று கூறுவாரோ என்ற பயத்துடன் அவரது அலுவலக அறையில் இவன் நுழைந்தான். என்றும் இல்லாமல் இவனை அவர்முன் அமரச் சொன்னார். இவன் குடும்பம் தந்தை பற்றியெல்லாம் விசாரித்தார். தந்தை மருத்துவ மனையில் இருப்பதாக இவன் கூறியதும் அவரை எப்போது பார்த்தான் என்று கேட்டார். “ உன் தந்தையின் நிலை சற்று கவலைக்கிடம்  நீ உடனே போய்ப் பார் “ என்றார். ஒரு வினாடி இந்த உலகமே சுழல்வது போல் தோன்றியது இவனுக்கு. வெளியே செல்ல எத்தனித்தவனிடம் “ மருத்துவ மனைக்குப் போகாதே . அவரது உடல் வீட்டுக்கு எடுத்துச் செல்லப் பட்டு விட்டது “ என்றார் அந்த நாள் 1957-ம் ஆண்டு மார்ச் மாதம் இரண்டாம் தேதி.

என் தந்தையார் G.S.Mahadevan

கண்டது கேட்டது பகிர்வு

                                கண்டது கேட்டது பகிர்வு
                                -------------------------------------

இந்தப் பதிவு கண்டு கேட்டவற்றை கல்ந்து கட்டிய பகிர்வுப் பதிவு. முதலில் வரவேற்பு.

என்ன நண்பர்களே ர்சித்தீர்களா.

ஒரு புறா காரில் அடிபட்டு விழுந்தது. ஈர மனசுடைய ஒருவன் அதை எடுத்துப் போய் விலங்கு மருத்துவரிடம் காட்டி மருந்திட்டு காப்பாற்றினார். புறா நன்றாகக் குணம் ஆகும் வரை பாதுகாப்பாக இருக்க ஒரு கூண்டில் அடைத்து வைத்தார். புறாவுக்கு அது பிடிக்கவில்லை. ” காரில் என்னை இடித்தவன் செத்தா போய்விட்டான். எனக்கேன் சிறை தண்டனை” என்று கேட்டது.

மண வாழ்வில் இன்புற்றிருக்க ஒருவரை ஒருவர்  LOVE ONE ANOTHER..சரிப்பட்டு வராவிட்டால் LOVE ANOTHER ONE. இது எப்படி இருக்கு.?

 An apple a day keeps the doctor away. ஆனால் An apple a day costs Rs1000-/  a month டாக்டருக்கு  அதைவிடக் குறைவாகச் செலவாகலாம் ப்ராக்டிகலாக சிந்திக்க வேண்டும்.

”நான் கரைந்தால் விருந்தினர் வருவர்” என்று சொல்லி காகம் மகிழ்ந்தது

”விருந்தினர் வந்தால் என் கழுத்தறுத்து  மகிழ்வார்கள்” என்று கோழி சொல்லி வருந்தியது.

 நீங்கள் ATM –ல் பணம் எடுக்கப் போகிறீர்கள் எதிர்பாராவிதமாக ஒருவன் உங்களை மிரட்டிப் பணம் அடுக்கச் செய்கிறான் உங்களுக்கும் வேறு வழியில்லை. போலீசுக்குத் தகவல் கொடுக்க ஒரு சிறந்த வழி என்று சொல்கிறார்கள். மிரட்டப் பட்டவுடன் பணம் எடுத்துக் கொடுத்தாக வேண்டிய நிலையில்  உங்கள் ATM  Card-ஐ மெஷினில் நுழைத்து உங்கள் பின் நம்பரை திருப்பி அடியுங்கள் அதாவது பின் நம்பர் 1234 என்றிருந்தால் 4321 என்று அடியுங்கள். உங்களுக்குப் பணம் வரும். அதை மிரட்டுபவனிடம் கொடுத்துத் தப்பிக்கலாம் ஆனால் இந்த மாதிரி பின் நம்பர் மாற்றி உபயோகப்படும் செய்தி உடனே பொலீசுக்குத் தெரிவிக்கப் பட்டு அலர்ட் செய்யப் படுவார்கள். பின் நம்பர் மாற்றி உபயோகப் படுத்துவது போலீசுக்குத் தெரிவிக்க ஒரு முறை என்று சொல்லப் படுகிறது. தவறாக உபயோகித்து போலீசில் சிக்கினால் நான் ஜவாப்தாரி அல்ல. எனக்கு கிடைத்த தகவல் பரி மாற்றமே இது.

Two pieces of advice for married men 
1) NEVER LAUGH AT THE CHOICES OF YOUR WIFE
  YOU ARE ONE OF THEM 
2) NEVER BE PROUD OF YOUR CHOICES
  YOUR WIFE IS ONE OF THEM 

 இனி ஒரு காணொளி