முன்னேற்றமும் பண்பாடும்

                  முன்னேற்றமும்  பண்பாடும்
                  -----------------------------------------------

முன்னேற்றம் என்பதுதான் என்ன அதன் பொருள்

பலருக்கும் பலவிதம்-, சிலருக்கு

நடை உடை பாவனையில் தெரிவது

முன்னேற்றம்-.  சிலருக்கோ வாழ்க்கைத்

தரமே முன்னேற்றத்துக்கு கட்டியம்--

நல்ல பண்பாட்டுடனானதே முன்னேற்றம்.

பண்பாடென்பது சிறு வயதில் பயிற்றுவிப்பது

நல்லது எது அல்லது எது  என்பதெல்லாம்

உணர வைத்தல் பெற்றொரின் கடமை

ஐந்தில் வளைத்தல் பலன் பல தரும்  

என்றுஅடித்துக் கூறுவேன் நான்

   

அன்பே சிவம் என்றுணர்த்தல்--

அவனுக்கும் இவனுக்கும் எவனுக்கும்  

இதழ் விரிந்த சிரிப்பு, மூத்தோரிடம் மதிப்பு,

எளியோரைப் பேணுதல், இல்லார்க்கு ஈதல்,

இருப்பதில் இன்பம் காணல், ஔவையின்

ஆத்தி சூடி அறிதல், அதன் வழி நடத்தல்

கடின உழைப்புடன்  மனம் தளராமை,

இவையன்றோ நற்பண்பாட்டின்  குறியீடுகள்

நற்பண்புகள் மேலோங்க முன்னேற்றம் தானே வரும்

அதுவின்றி நெற்றியில் பட்டை நாமம்

கூடவே சதா நாவில் ஈசன் நாமம்

முன்வாய்ச் சிரிப்புகடைவாய்க் கடிப்பு

கபடதாரி வேஷம்உயர்வு தாழ்வு சிந்தனை

ஆலயங்கள் ஏனையாஅபிஷேகங்கள் ஏனையா

கோலங்கொடிகள் ஏனையாகொட்டு முழக்கம் ஏனையா

பாலும் பழமும் வைத்து நிதம்பணிந்து நடிப்பது ஏனையா

சீலம் பேணும் உள்ளத்தைத் தெய்வம்  தேடி வாராதோ

முன்னேற்றமும் கூடவே ஓடி வாராதோ

 முன்னேற்றமும்  பண்பாடும்

எனும் தலைப்பில் எழுதப்பட்டுள்ள இக்கவிதை எனது சொந்தப்படைப்பே எனச் சான்றளிக்கிறேன், இப்படைப்பு இதற்கு முன் வெளியானதல்ல எனவும், போட்டி முடிவு வெளியாகும் வரை வேறெங்கும் பிரசுரத்திற்கு அனுப்பமாட்டேன் எனவும் சான்றளிக்கிறேன்

முன்னேறிய  உலகில் பண்பாட்டின் தேவை  என்னும் பிரிவுக்கு (வகை -4 ) இதனை அனுப்புகிறேன்  

.