நம்பிக்கைகள் ஒரு அலசல்

                                                     நம்பிக்கைகள் ஒரு அலசல்
                                                    --------------------------------------------

நம்பிக்கை என்னும் தலைப்பில் எழுதி இருந்தேன் இப்பதிவு இருபக்கங்களையும் கொண்டது  யார் வேண்டுமானால்  எப்படி வேண்டுமானாலும் எடுத்துக் கொள்ளலாம்

  நிலந்திருத்தி  விதைக்கும் விதை கிளர்ந்தெழு  மரமாகி  கனி கொடுக்கும்  என்பது  நம்பிக்கை.---மெய்   சோர்ந்து  உழைத்து  உறங்கி  எழும் புலரியில்  உயிர்த்து  எழுவோம்  என்பது  நம்பிக்கை ---- பயண  சீட்டெடுத்து  பஸ்ஸோ ரயிலோ  ஏறி சேருமிடம்  சேதமின்றி  சேருவோம்  என்பது நம்பிக்கை --- பாலூட்டி சீராட்டிப  பெற்றெடுத்த  பிள்ளை  பிற்காலத்தில்  நம்மைப்  பேணுவான்  என்பது நம்பிக்கை ---- நோயுற்ற  உடல்  நலம் பேண நாடும்  மருத்துவர் பிணி  தீர்ப்பார்  என்பது நம்பிக்கை ----- நல்ல படிப்பும்  கடின உழைப்பும்  வாழ்க்கையில்  வெற்றி  பெற்றுத் தரும் என்பது நம்பிக்கை ---வாழ்வின்  ஆதாரமே நம்பிக்கை.  நம்பிக்கைகள் பல விதம் . இருப்பினும் ,--- தாய் சொல்லி  தந்தை  என்றறியப்படுவதே  தலையாய  நம்பிக்கை.

ஒரு பதிவின் பின்னூட்டமாக வந்தது

நம்பிக்கைகளில் நல்ல நம்பிக்கை, மூட நம்பிக்கை என்று உண்டா?

உங்களது நல்ல நம்பிக்கை, எனக்கு மூட நம்பிக்கையாகப் படும். என்னுடைய நல்ல நம்பிக்கை உங்களுக்கு மூட நம்பிக்கையாகப்படும்.

நீங்கள் (உதாரணத்துக்கு) சபரிகிரீசனை விரதமிருந்து கல்லிலும் முள்ளிலும் நடந்து சென்று வணங்குவதை 'கடவுள் நம்பிக்கை' என்று சொல்கிறீர்கள். சிலர், தீச்சட்டி ஏந்தி தீ மிதித்து கடவுளை வணங்குவதை 'மூட நம்பிக்கை' என்று சொல்வாங்க. அவரவர் நம்பிக்கை அவரவருக்கு.

நான் பின்பற்றும் இது 'மூட நம்பிக்கை' என்று நம்மால்தான் சொல்லமுடியும். மற்றவர்களைப் பற்றி அவ்வாறு சொல்வது சரியல்ல 

நம்பிக்கை பற்றிய ஒரு அலசல் இது தெரிந்துகொள்பவர் தெரிந்து கொள்ளட்டும் அது பற்றிஎழுதுவதை  நான் ஒரு taboo ஆக நினைக்க வில்லை 

                  

   கோவிலுக்குப் போகிறோம்   நம் துயரங்களைச் சொல்லி வேண்டுகிறோம்  அது வரை சரிதான் ஆனால் என் துயரங்களைத் தீர்த்திடு உனக்கு நானிது செய்கிறேன்  அது செய்கிறேன்  என்றுவேண்டுவதுநமது கணிப்பில் கடவுளிடம் ஒப்பந்தம்போடுவதுபோல் இருக்கிறதே இதை ஏதோ நம்பிக்கை என்று கூறுதல் சரியா பெரும்பாலோர்  கணிப்பில் கடவுள் என்பவர் இத்தகைய ஒப்பந்தங்களுக்கு ஒப்புக்கொள்கிற அடிமுட்டாளாக இருக்கிறார். இதற்குப் பெயர் பக்தியல்ல, ஏமாற்று வேலை.

பிரார்த்தனை செய்துகொண்டே இருக்கிறீர்களென்றால் அது உளவியல் ரீதியாக வேண்டுமானால் ஆறுதல் தரலாம். ஆனால், இதை நம்பிக்கையென்று சொல்லாதீர்கள்

விசுவாசம் அடிமைகளுக்கும்  முட்டாள்களுக்கும் உரிமையானது

சற்றும் அசையாத கவனக்குவிப்பை வழங்குவதுதான் நம்பிக்கை.    இதற்கு இரு

கதைகள்

ஒருவன் மலை உச்சிக்குப் போகிறான்  கால் தவறி கீழே விழும் நிலையில் இருக்கிறான்  விழும்போது ஒரு மரத்தின் வேரைப் பிடித்துக் கொள்கிறான் கடவுளே என்னை காப்பாற்று என வேண்டுகிறான் அப்போதுஒரு அசரீரியின் குரல் கேட்டது

அசரீரி : ‘நீ என்னை நம்ப மாட்டாய்!.

மனிதன் : கடவுளே, என்னைக் கை விட்டு விடாதே. நிச்சயம் நம்புகிறேன்.

அசரீரி : எனக்கு நம்பிக்கை இல்லை.

மனிதன் : கடவுளே, உன் மீது எனக்கு நம்பிக்கை இருக்கிறது. நீ தான் காப்பாற்ற வேண்டும்.

அசரீரி : சரி, உன்னைக் காப்பாற்றுகிறேன். முதலில் நீ பிடித்திருக்கும் வேரை விட்டு விடு.

மனிதன் : வேரை விட்டு விட்டால் கீழே விழுந்து இறந்து விடுவேனே?

அதன்பின் வானத்தில் இருந்து எந்தக் குரலும்கேட்கவில்லை

முன்பு ஒரு திரைப்படம் பார்த்தேன்  மாமன்மகள் என்று நினைக்கிறேன்  ஜெமினி கணேசன்  நடித்தது அதில் அவர் மிகவும் கோழையாக சித்தரிக்கப்பட்டிருந்தார் அவருக்கு வீர உணர்வு ஊட்ட அவரது பாட்டி ஒரு தாயத்து கொடுத்து அது அவரது தாத்தாவுடையது என்றும்  அதை அணிந்தால் வீரனாகி விடலாம் என்றும் கூறு வார் ஜெமினி கணேசனும் அதை அணியும் போது மிகவும்வீர உணர்ச்சி வருவதுபோல் தோன்றி எதிரிகளை துவம்சம் செய்துவிடுவார்  ஒரு முறை சண்டையிடும்போதுதாயத்து தவறி கீழே விழவும் அவரது வீரமும்  போய்விட்டு நன்கு உதைபடுவார்   நம்பிக்கைக்கு ஒருகதை இது

 அவரிடம்  உள்ள நம்பிக்கை வற்புறுத்தி ஏற்படுத்தப்பட்டது. கட்டாயத்தின் பேரில் உள்ள நம்பிக்கை இப்பொழுதோ, எப்பொழுதோ நிச்சயம் உடைந்து போகும்.  அவரது  நம்பிக்கை, ஒரு முயற்சி. உண்மையான நம்பிக்கை ஒரு முயற்சியாக இருக்க முடியாது.

மரக்கிளையில் அமரும் #பறவை #கிளை உடைந்துவிடும் என அஞ்சுவதில்லை ஏனெனில் அதன் #நம்பிக்கை கிளையில் இல்லை அதன் #சிறகுகளில் உள்ளது உன்னில் #நம்பிக்கை வை #வெற்றி உன்னை தேடி வரும்

எதை வேண்டுமானாலும் இழக்கலாம் ஆனால் #நம்பிக்கை தவிர!

நம்பிக்கை குறித்து நிறைய எழுதி இருக்கிறேன்  நம்பிக்க வெறும் எண்ணங்க்களினால் ஏற்படுவதுஅல்ல நம்பக்கூடியதாகவும் இருக்க வேண்டும்

 என்  நம்பிக்கை நான் எழுதுவதைப் பலரும் படிப்பார்கள் என்பதில் இருக்கிறதுதொடர்ந்து எழுதுவேன் என்பதிலும் இருக்கிறது பெரும்பாலும் நம்பிக்கைகள் பக்தி சார்ந்ததாக நினைக்கப் படுகிறது அதில் மாறுபட்டு எழுதியதுஇது

 என்வீட்டின் அருகே ஒரு மரம்தழைத்து வள்ர்ந்திருந்தது  அதன் வேர்ப்பகுதி வீட்டின் அஸ்திவாரத்துக்கே ஊறு விளைவிக்கலாமென்று தோன்றியது அதை வெட்டி அகற்றிவிடநினைத்து ஒரு கூலித்தொழிலாளியை அணுகினேன்  அவர் மரத்தைப்பார்த்து வெட்ட மறுத்து விட்டார் அது அத்திமரமாம் கடவுள் மரமாம் வெட்டினால் அவர் உயிருக்கு ஆபத்தாம் என்ன வெல்லாமோ சொன்னார் பிறகு முதலில் நான் அந்தமரத்தை  வெட்டத்துவங்கினால் அவர் முழுதும்வெட்டுவதாகக் கூறினார்  நான்சரியென்று வெட்டுக்கத்தியால் மூன்று போடுபொட்டேன்  பிறகு அவர் அதைமுழுவதும்வெட்டினார் முதலில் நான்வெட்டியதால் எனக்குத்தான் கேடு என்றார் இது நடந்து சுமார் இருபது ஆண்டுகளாகின்றன  இன்னும்நான் உயிரோடுஇருக்கிறேன்  நம்பிக்கைகளைப்பற்றி பேசும்போது எனக்கு இச்சம்பவம் நினைவுக்கு வரும்

மழைவேண்டி  ஒரு யாகம் நடத்தினார்களாம் யாகம்முடியும்  தருவாயில் நல்ல மழைபெய்யத்தொடங்கிற்றுஎல்லோரும்திசைக்கு ஒருவராகஓடினர் ஆனால் ஒருவன்மட்டும்தன்குடையை விரித்துக்கொண்டான் யாகம்முடிந்து மழை வருமென்னும் நம்பிக்கைஅவனுக்கிருந்தது  குடை கொண்டு வந்திருந்தான் மற்றவர்களுக்குயாகம்வெறும்சடங்காயிற்று 

கொசுறு  சென்றபதிவில் சந்திராயன் விண்கலம்பற்றிய பதிவை இட்டிருந்தேன்   சரியாக வரும்  என்னும்  என்   நம்பிக்கை பொய்த்து விட்டது                                  ...