சில பிரச்சனைகள் சில தீர்வுகள்

                                சில பிரச்சனைகள் சில தீர்வுகள்
                                 ----------------------------------------------

அண்மையில் தமிழ்மணமா புதிர் மணமா என்று எழுதி இருந்தேன்  அதில் நான் எழுப்பி இருந்த கேள்விகளுக்குத் தீர்வு கிடைக்காமல்தான் இருக்கிறது அதுமட்டுமல்லாமல் சில பதிவர்களின் பதிவுகளைப் படிக்கப் போனால் அவற்றின் அகலம் கணினியின் அகலத்தை விட அதிகமாக இருக்கிறது கர்சரை அங்கும் இங்கும் நகர்த்தி வாசிப்பது பெரும் பாடாக இருக்கிறது. குறிப்பிட்ட பதிவர்களுக்கும் தெரியப் படுத்தியும் எந்த தீர்வும் கிடைக்க வில்லை. நான் சற்றும் எதிர்பாராவிதமாக இதற்கு ஒரு தீர்வு கிடைத்திருக்கிறது

பொதுவாக பதிவுகளுக்குள் நுழைய நான் மோஜில்லா ஃபைர்ஃபாக்ஸ் உலவியை உபயோகிப்பேன் . அதை உபயோகிக்கும் போது என்னால் காணொளிகளைக் காண முடியாமல் இருந்தது. காணொளியைக் காண இருக்கும் பதிவுகளுக்கு நான் கூகிள் க்ரோம் உலவியை உபயோகிப்பது வழக்கம்  அதே உலவியில் இந்த கணினியை விட்டுப் போகும் பதிவுகளைப் பார்வையிடும் போது பிரச்சனை இருக்கவில்லை. ஏன் என்று தெரியாவிட்டாலும் ஒரு பிரச்சனைக்கு முடிவு கிடைத்தது.

இன்னொரு பிரச்சனை என்னவென்றால்  நான் பி எஸ் என் எல் ப்ராட் பாண்டை உபயோகிக்கிறேன்  அண்மையில் என் மாத பில் ரூ 3000/-வரை ஆகி வந்தது. எனக்கு இது கட்டுப்படி யாகவில்லை. ஆகவே அவர்கள் பில் கணக்கிடும் முறையைக் கண்டு வர ஒருவரை அனுப்பி இருந்தேன்  நான் கணினியைத் திறந்ததும் மோடம் மும் ஆன் ஆகிவிடும்  மோடம் ஆன் ஆன நேரமெல்லாம் கணக்கில் வரும் என்று தெரிய வந்தது. நான் பதிவுகளை வாசிக்காமல் இருக்கும் போதோ  கணினியில் கார்ட் விளையாடும் போதோ மோடம் ஆனில் இருக்க வேண்டிய அவசியமில்லை. மேலும் என் பதிவுகளை நான் எம் எஸ் வேர்டில்  ட்ராஃப்டாக எழுதும்போதும் மோடம் ஆனில் இருக்கத் தேவை இல்லை.  இவற்றிலும்  நான் கணினியில் கணிசமான நேரம் செலவிடுகிறேன் அப்போதெல்லாம் மோடம் கனெக்க்ஷனை எடுத்து விட்டால் கணினியில் கணக்காகும் நேரம் குறையும்  ஓரிரண்டு நாட்களாகக் கவனமாக இருக்கிறேன் பில் எப்படி எவ்வளவு குறைகிறது என்று பார்க்க வேண்டும் ஒவ்வொரு நாளும் ஆகும் பில் எவ்வளவு என்று கணினியிலேயே பார்க்கவும் தெரிந்து கொண்டேன்

இந்தத் தீர்வுகள் பிறருக்கும் உதவலாம் என்றே இதைப் பதிவிடுகிறேன் 
இன்னொரு புரிந்து கொள்ள முடியாத பிரச்சனை. சிலரது பதிவுகளுக்குப் பின்னூட்டம் எழுதினால்  அந்தப் பதிவில் பின்னூட்டம் வந்தாலும் மறு நிமிஷமே என் மெயில் பாக்சில்  டெலிவெரி ஃபெயில்ட் என்றும் வருகிறது.காரணம் தெரிந்தவர்கள் விளக்கலாமே 
திடீரென்று என் கணினியில் பிரச்சனை. டெஸ்க் டாப்பின் பின்னணி நிறம் மாறி சிவப்பாகமாறி விடுகிறது. மானிடருக்கும் வயசாகி விட்டது. ஆனால் வலைப் பக்கம் வராமல் இருக்க முடியவில்லை. எழுத்துக்களைப் படிக்கவே மிகவும் சிரமம் கண் கெட்டு விடும் போலிருக்கிறது. ஒரு முறை கோபம் வந்து மானிட்டரை ஓங்கி அடித்து விட்டேன் . என்ன ஆச்சரியம் பழைய நிலைக்கு வந்து விட்டது. ஆனால் சிறி து நேரத்திலேயே மீண்டும் நிறம் மாறித் தொல்லை கொடுக்கிறது. அவ்வப்போது அதனுடன்மல்லுக் கட்டி வருகிறேன் பாவம் அதுவும் எத்தனை அடிதான் தாங்கும் . பேசாமல் ஒரு புதிய கணினி வாங்க ஐடியா. விசாரிக்கிறேன் பார்ப்போம். அது வரை மானிடர் அடி வாங்கும்  இல்லை ஒரேயடியாய் உயிர் துறக்கும்..    .