கதை தொடர அழைப்பு

                                      கதை தொடர அழைப்பு
                                      ---------------------------------------
                                      ( கண்டிஷன்  ஏதுமில்லை)
 இன்னும் ஒரு சிறுகதை. சிறுகதை எழுதும்போது  என்னை நடுவில் இருத்தி  சம்பவங்களைக் கோர்வையாகச் சொல்வது எனக்குப் பிடிக்கும் ஆனால் வாசகர்கள் உண்மையில் இந்த நானின் கதையோ என்று எண்ணும்    சாத்தியக் கூறு உண்டு. பரவாயில்லை  என்ன பற்றிய உண்மைகள்  பல பகிர்ந்திருந்தும் தவறான பெர்செப்ஷனிருப்பதையும் காண்கிறேன்

“மனைவி அமைவதெல்லாம்  இறைவன் கொடுத்த வரம் “”

(அப்படியானால் கணவன் அமைவது யார் கொடுத்த வரம்  அல்லது சாபம்எப்போதும் இந்த மைண்ட் வாய்ஸ் எதையாவது சொல்லும் )

அவனுக்கு மனைவி அமைந்தது  இறைவன் கொடுத்த வரமா? அல்லது அவளுக்கு கணவன் அமைந்தது  இறைவன்கொடுத்த வரமா திருமணத்துக்கு நிச்சயமான நாளிலும் இந்தப் பாட்டு பாடப்பெற்றது ஜோடி பிரமாதமென்று சொல்ல முடியாது புரியவே முடியாத ஒரு திருமண பந்தம்தான் அது பிடித்ததோ பிடிக்கவில்லையோ  திருமணம் என்ற ஒன்று நடந்து விட்டால்  ஒருவருக்காகவே மற்றவர் என்னும் நம்பண்பாடு அங்கும்  இருந்தது கூடஅவளுக்கு   நம் பண்பாட்டிலேயே இரண்டறக்கலந்துவிட்ட மாமியார் கொடுமையும்  இருந்தது சிறிசுகள் அப்படியும் இப்படியும்   இருக்கும் என்பது தெரிந்தாலும் மகன் தன் கட்டுப்பாட்டுக்குள்தான்   இருக்க வேண்டும் என நினைக்கும் தாய்தான் அங்கு மிருந்தாள்

(இதென்னடா பெயர் எதுவுமில்லாத கதை என்று தோன்றுகிறதா கதை மாந்தர்களுக்கு பெயர் கொடுப்பதே பெரிய வேலை இருப்பது இரண்டு மூன்று பாத்திரங்கள்தானே பெயர் வேண்டாமே) சின்னஞ்சிறிய புது மணத் தம்பதிகள் தனிக்குடித்தனம்  போனார்கள்  அதில்தானே பொறுப்புகள்தெரிய வரும் வாய்ப்பு உண்டுஆனால் தாயின்  அருகேதான்  வாழ்வு தொடங்கியது தாய் தினமும் வருவாள் மறு மகளுக்கு நிறையவே பாடம் எடுப்பாள்  பெர்சனல் சுதந்திரமாவது ஒன்றாவது மகன் பாடுதான்  திண்டாட்டம் மறுமகளுக்கு  ஒரு வெய்லிங் வால்  தேவைப்பட்டது பெண்ணோ மாட்ரிலீனியர் வழக்கத்தை ஆதரிப்பவள் பையனுக்கு இது பற்றி எல்லாம் கவலை இல்லை கணவனிடம் எதையாவது சொன்னால்  இதுதான்  நம்வாழ்க்கை பெற்றவர்களை அனுசரித்துபோவதுதான் நல்லது  என்று கண்டிப்பான்     பெண் தன் உறவினரிடம் சொல்லிப் புலம்புவாள்  சில நேரங்களில் மாமியார் சகிக்க முடியாதவளாகிப் போனாள் இத்தனைக்கும் பெண் ஒரு முதுகலைப்பட்டதாரி  தான் அழகில்லையோ என்னும் எண்ணம்  அவ்வப்போது தலை காட்டும் தன்னால் தனியே இருக்க முடியும்   என்னும் எண்ணம்  கொண்டவள் என்னதானிருந்தாலும்   இரவு வந்து விட்டால்  கணவன் மனைவி கூடல் மட்டும்  நிற்கவில்லை இரண்டு குழந்தைகளும்   பிறந்தனர் 

இதை எழுதும்போதே ஒரு ஐடியா  வருகிறது வலையில் கதை  பண்ணக்கூடியவர்கள்பலர் உண்டு இதுவரைஎழுதியதில் இருந்தே கதையை டெவெலப்  செய்யக் கூடியவர்கள் தொடர்ந்தால் நன்றாய்  இருக்கும் என்று தோன்றியது  செய்யலாம்தானே