நான்
இவ்வுலகில் உதித்து 82 ஆண்டுகள் உருண்டோடி விட்டன ஒவ்வொரு ஆண்டு இந்தநாள் எனக்கு ஸ்பெஷல் ஏன் தெரியுமா
திருமண நாளும் பிறந்த நாளும் ஒன்றுதான்
அதெப்படி பிறந்த நாளூம் மண நாளும் ஒன்றாக இருக்கும் நான் சொல்ல வருவது 11 நவம்பர் நான் பிறந்தநாள் ஆனால்
ஆண்டு 1938 நான் மண்ந்தது 11 நவம்பர் ஆனால் ஆண்டு 1964 இந்த நாளை நான் இண்ட்ராஸ் பெக்ட் செய்ய
உபயோகிப்பேன் இந்த முறை என்மனைவிக்கு
அர்ப்பணம்செய்கிறேன் என்னை மாதிரி ஒரு பிரகிருதியோடு 56 ஆண்டுகள் குப்பை
கொட்டுவதென்ன லேசுப்பட்டதா அவளுக்கு நான் சமர்பிக்கும் பாடல் வரிகள் இதோ
ஏதுமறியாப் பாவையாய் இளங்கன்னியாய்
என்
கைப்பிடித்தவளைக் காணும்போதெல்லாம்
என் மனம் ஏனோ அல்லல் படுகிறது
குயவன் கைப் பானையாய் வளைத்துச்
செதுக்கினேன்
எனப்
பெருமைப் படுவாள் பாவம்
அவள்
அறிய மாட்டாள் ஐம்பத்து ஆறு ஆண்டுகள்
என்னுடன்
இருந்தது எத்தனை அரிய செயல் என்று
இன்று
ஓர்க்கிறேன் தாயில்லா என்னைத் சேய் போல் கவனித்தாள்
தாரமும்
ஒரு தாய்தானே
அன்னையவளைத் தேடி நான் அலைந்தபோது,
சுந்தரி இவளைக் கண்டேன் என் சிந்தையுள்ளே -,
நிறுத்தினேன் இவளை என் அகத்தினுள்ளே.,
தொலைந்ததே என் துயரங்கள் என்னை விட்டே.
யாதுமாகி நின்றாள்.. தாய்தன்னைக் காணாதவன்
தாரமாக வந்தவளை நெஞ்சமெலாம்
நிரப்பி ,
சஞ்சலங்கள் நீக்கிய சேயானேன்.
.
பிள்ளையாய்ப் பிறந்து ,பாலனாய் வளர்ந்து,
காளையாய்க் காமுற்று, எனதவளைக் கைப்பிடித்து,
இளமை ஒழிந்து மூப்புறும் நிலையில்
எல்லாம் செத்து, நாளை எண்ணுகையில்
எனக்கு நானே அழாதிருக்க,
காக்கின்ற கண்களால் கருணை வெள்ளம்
கரைபுரள, பூக்கின்ற புன்னகையால் ,
ஆறாத மனப் புண்ணின் அசைவலைகள்
அடங்கவே அளித்தருளி அன்னையாய்
,என்னை ஆட்கொள்ள வந்தவளே எனக்கு நீ
யாதுமாகி நிற்கின்றாய்
வாழி வாழியவே
வெறும் வார்த்தைகள் கூடவே ஒரு டாப்லெட் டும்( மருந்தல்ல) கொடுத்தேன்
இனிய மணநாள்/பிறந்த நாள் வாழ்த்துகள். நூறாண்டுகள் உங்கள் மனைவியுடன் சேர்ந்திருந்து மகிழ்ச்சியுடன் வாழவும் பிரார்த்திக்கிறேன்.
பதிலளிநீக்குமுதல் வருகை நன்றி மேம்
பதிலளிநீக்குஇனிய பிறந்தநாள் மற்றும் மண நாள் வாழ்த்துகள்.
பதிலளிநீக்குஎல்லா ஆண்களுமே இப்படி நினைத்துக்கொள்வார்கள் (மனைவி, எப்படீடா நம்முடன் இத்தனை ஆண்டுகள் குப்பை கொட்டினாள் என்று) என நினைக்கிறேன். அவங்களுக்கு என்ன செய்தாலும், அவங்களோட contributionக்கு 50% கூட கிடையாது என எனக்குத் தோன்றுகிறது.
நான் என்னைப்பற்றி மட்டும்தானே கூற முடியும் மனைவிகள் எல்லாம் என்மனைவி போல் ஆவதில்லை என்றே எனக்குத்தோன்றும்
நீக்குஉங்கள் இருவருக்கும் மணநாள் வாழ்த்துக்கள்.
பதிலளிநீக்குஉங்களுக்கு பிறந்தநாள் வாழ்த்துக்கள்.
உங்களை வணங்கி உங்கள் வாழ்த்துக்களையும் ஆசிகளையும் பெற்றுக் கொள்கிறோம்.
அருமையான கவிதை. உங்கள் அன்பு வெள்ளமாக இருக்கிறது கவிதையில்.
கவிதையை பாராட்டியதற்கு நன்றி
நீக்குஅற்புதம். இனிய வாழ்த்துகள்.
பதிலளிநீக்குஇன்னொரு அம்மாவாகிறார் மனைவி காலப் போக்கில்.
வசிஷ்ட்ர் வாயால் ......போல் இருக்கிறதுகருத்தும் வாழ்த்தும்
நீக்குபிறந்த நாள் மற்றும் மண நாள் வாழ்த்து. மனைவி வாழ்க்கைத் துணை , தோழி , தியாகி. உங்களைப் போல இல்லத்தரசியை மதிக்கிறவர்கள் சிறுபான்மையரே.
பதிலளிநீக்குவாழ்த்துக்கு நன்றி சார் என்றும் மனைவியை நேசிப்பதும் மதிப்பதும்சரிதானே சார்
நீக்குஇந்த நாளில் தங்களுக்கு
பதிலளிநீக்குஅன்பின் வணக்கங்கள்!..
நன்றி சார்
நீக்குஇனிய் மணநாள் பிறந்த நாள் நல்வாழ்த்துகள்..யாதுமாகி..அற்புதமான சொற்பிரயோகம்...
பதிலளிநீக்குநீங்கள் ஒரு discerning readerசில நேரங்களில் வார்த்தைகள் வந்து விழுவதுண்டு ரசித்தமைக்கு நன்றி சார்
நீக்குஅருமை. பதினொன்றாம் தேதி பிறந்த நாளுக்கு மட்டும் வாழ்த்தி இருந்தேன். மணநாளுக்கும் வாழ்த்துகிறேன். உங்கள் இருவரின் ஆசியை வேண்டுகிறேன்.
பதிலளிநீக்குஎங்கள் ஆசி என்று முண்டு
நீக்கு56 வருடங்கள் ஓயாது கவனித்த மனைவிக்கு பாராட்டு பாட்டு ஒன்றே போதுமானது இல்லை. ஆனால் அன்பே சிறந்த பரிசு. அந்த அன்பை கவிதையாய் சமர்ப்பித்து விட்டீர்கள். கவிதை சிறப்பு.
பதிலளிநீக்குJayakumar
எவ்வளவுதான் எழுதினாலும் அது போதாதோ என்றே தோன்றும் பாராட்டுக்கு நன்றி சார்
நீக்குவாழ்த்துகள் ஐயா...
பதிலளிநீக்குதாமதத்திற்கு சாரி சார்.
பதிலளிநீக்குஉங்கள் மண நாள் பிறந்த நாள் எல்லாவற்றிற்கும் வாழ்த்துகளுடன் ஆரோக்கியமாக இருந்திட பிரார்த்தனைகளும்.
அம்மாவிற்கான உங்கள் கவிதை அவர்களுக்கு ஒரு டானிக் தான். அன்பும் காதலும் ஒளிர்ந்து ஒலிக்கும் கவிதை!
வாழ்த்துகள் சார்
கீதா
சரியாக கணித்ததற்கு நன்றி
நீக்குஉங்கள் பிறந்த நாள், மண நாள் எல்லாவற்றிற்கும் அன்பான வாழ்த்துகள் பிரார்த்தனைகள்.
பதிலளிநீக்குஉங்கள் மனைவியின் மீதான உங்கள் அன்பு கவிதையில் வெளிப்படுகிறது. சிறப்பாக இருக்கிறது சார்.
நீங்கள் இருவரும் நல்ல உடல் நலத்துடன் வாழ்ந்திட வாழ்த்துகள் பிரார்த்தனைகள்
துளசிதரன்
நன்றி நன்றி நன்றி சார்
நீக்குவாழ்த்துகள் ஐயா
பதிலளிநீக்கு